Phnom Penh Commercial Bank
» ផលិតផលនិងសេវាកម្មធនាគារ » សេវាឥណទាន »ឥណទាន​គេហដ្ឋាន
សេវាឥណទាន
ឥណទានពាណិជ្ជកម្ម   ឥណទាន​ម៉ូតូ   ឥណទាន​គេហដ្ឋាន   ឥណទាន​រថយន្ត
ឥណទាន​គេហដ្ឋាន គឺ​ជា​ប្រភេទ​ផលិតផល​ឥណទាន​មាន​រយៈពេល​វែង របស់​ធនាគារ​ភ្នំពេញពាណិជ្ជ ដែល​បាន​បង្កើត​ឡើង​ដើម្បី​ផ្តល់​ជូន​សាធារណជន​ដែល​មាន​លក្ខណសម្បត្តិ​គ្រប់​គ្រាន់ សម្រាប់​ទិញ​គេហដ្ឋាន​ដែល​កំពុង​តែ​សាង​សង់ ឬ​សាង​សង់​រួច ធ្វើ​ជា​កម្មសិទ្ធ​ផ្ទាល់​ខ្លួន ។ ប្រភេទប្រាក់ទំហំឥណទាននិងរយៈពេលខ្ចី
  • ឥណទាន​គេហដ្ឋាន ត្រូវ​បាន​ផ្តល់​ជូន​អតិថិជន​ជា​ប្រាក់​ដុល្លារ​អាមេរិក
  • ធនាគារ​ភ្នំពេញពាណិជ្ជ អាច​ផ្តល់​ឥណទាន​គេហដ្ឋាន​ជូន​អតិថិជន​រហូត​ដល់​ទំហំ ១០០.០០០​ដុល្លារ​អាមេរិក ប៉ុន្តែ​មិន​ត្រូវ​លើស​ពី ៦០​ភាគរយ នៃ​តម្លៃ​សរុប​របស់​គេហដ្ឋាន​ដែល​ត្រូវ​ទិញ​នោះ​ឡើយ
  • រយៈពេល​ខ្ចី​អតិបរមា ១០​ឆ្នាំ ចំពោះ ៖
    • អតិថិជន​ជា​កម្មករ​និយោជិត​កំពុង​បម្រើ​ការងារ​ក្នុង​ស្ថាប័ន​សាធារណៈ និង​ទី​ភ្នាក់ងារ​ជាតិ-អន្តរជាតិ ដោយ​មិន​ត្រូវ​លើស​ពី​អាយុ​ចូល​និវត្តន៍​ឡើយ
    • អតិថិជន​ផ្សេង​ទៀត ត្រូវ​មាន​កាយសម្បទា​រឹងមាំ និង​មាន​អាយុ​ចាប់​ពី​ពេល​ទទួល​ប្រាក់​កម្ចី​រហូត​ដល់​កាលាវសាន​នៃ​រយៈពេល​ខ្ចី​ប្រាក់ មិន​ត្រូវ​លើស​ពី​អាយុ ៦០​ឆ្នាំ​ឡើយ ។
អត្រា​ការ​ប្រាក់
  • អត្រាការប្រាក់ ១៣ភាគរយ ក្នុង១ឆ្នាំសំរាប់ប្លង់ទន់​ និង១២ភាគរយក្នុង១ឆ្នាំសំរាប់ប្លង់រឹង
លក្ខណសម្បត្តិ​អតិថិជន​ដែល​អាច​ទទួល​ឥណទាន​គេហដ្ឋាន
  • ជន​កម្ពុជា​គ្រប់​រូប​ដែល​ជា​ពលរដ្ឋ​សកម្ម ឬ​ជា​នីតិជន
  • មាន​មុខរបរ ប្រាក់​បៀវត្សរ៍ ឬ​ប្រភព​ចំណូល​ដែល​មាន​និរន្តរភាព និង​មាន​លទ្ធភាព​អាច​សង​បំណុល​បាន
  • មាន​ប្រវត្តិ កេរ្តិ៍​ឈ្មោះ អត្តចរិត​ល្អ
  • មាន​ទីលំនៅ​អចិន្ត្រៃយ៍ ដោយ​មាន​ការ​បញ្ជាក់​ដឹង​ឮ​ពី​អាជ្ញាធរ​ក្នុង​តំបន់​របស់​ខ្លួន​រស់​នៅ
  • ធានា​ផ្តល់​ព័ត៌មាន​ត្រឹម​ត្រូវ ច្បាស់​លាស់ គ្រប់​គ្រាន់ និង​ទាន់​ពេល​វេលា​ជូន​ធនាគារ
  • គេហដ្ឋាន​ដែល​ទិញ ត្រូវ​ស្ថិត​ក្នុង​តំបន់​ប្រតិបត្តិការ​របស់​ធនាគារ ដោយ​មាន​ការ​បញ្ជាក់​ទទួល​ស្គាល់​ពី​អាជ្ញាធរ​មូលដ្ឋាន​តាម​ផ្លូវ​ច្បាប់
   
Home  |  Contact Us  |  Product and Services  |  Rate & Feecharge  |  Careers  |  Branch and ATM Network   |  FeedBack

Copyright (c) Phnom Penh Commercial Bank. All Rights Reserved.